Agron Brataj
Rreth 200 ushtarë të SHBA-ve kanë nisur të mbërrijnë në Izrael si pjesë e një force që do të ndihmojë në mbikëqyrjen e armëpushimit në Rripin e Gazës.
Shefi i Komandës Qendrore Amerikane (CENTCOM) mbërriti në Izrael gjatë natës së djeshme, ndërsa pjesa tjetër e trupave pritet të mbërrijë gjatë fundjavës, nga Shtetet e Bashkuara dhe baza të tjera ushtarake amerikane në Lindjen e Mesme.
Qëllimi i pranisë së tyre është të sigurojnë zbatimin e kushteve të armëpushimit dhe të kontribuojnë në stabilitetin e situatës në terren.
