TRAGJIKE! 11 të vdekur nga tërmeti 6.4 ballë në Shqipëri, nxirren dhjetëra të gjallë nga rrënojat – Vijon operacioni i shpëtimit

“Kam motrën. Ajo reagon por nëna dhe mbesa jo. Tre veta janë brenda. Motra quhet Lindita Cara”, u shpreh banori. Ai është afruar me një kovë në kokë pranë dhomës ku kanë mbetur të bllokuara familjaret e  tjer

“Deri tani janë 135 të lënduar dhe 12 shtrime në spitalin e Durrësit, 60 në QSUT dhe rastet janë duke u shtuar. Janë konfirmuar 7 jetë të humbura, 3 në Durrës, një në Lezhë e një në Kurbin. Operacionet vazhdojnë. Jemi pranë me mendje dhe me zemër të afërmve dhe familjarëve të tyre. Jemi ende duke mbledhur raportime nga çdo qark, por është e pamundur të llogariten dëmet tani. Kurajo të gjithëve. I gjithë shteti është në këmbë”, u shpreh Xhaçka.

Deklarata e plote

Këto janë momente shumë të vështira për të gjithë shqiptarët, pavarësisht nëse ndodhen në zonat që pësuan goditjen e madhe të tërmetit, apo në zonat e sigurta ku goditja ka kaluar pa pasoja.

Ngjarja është vërtet shumë e rëndë. Situata është e vështirë. Për fat të keq nga kjo goditje ka pasur jo vetëm më shumë dëme e më shumë të plagosur, por edhe viktima. Deri në këtë moment janë konfirmuar 7 qytetarë, që kanë humbur jetën. Është shpresa jonë, është lutja e çdo qytetari shqiptar, që ky numër të mos rritet më tej dhe, me mendje e me zemër, ju gjendemi pranë të gjithë atyre qytetarëve, që ende s’kanë mundur të rivendosin kontaktin me të afërmit e tyre.

Është një moment i tmerrshëm, por dua t’u them të gjithë qytetarëve që ky nuk është një moment për të vajtuar. Ky është një moment për t’u solidarizuar, për të ndihmuar njëri – tjetrin, për të menaxhuar me gjakftohtësi një situatë tragjike dhe tejet të vështirë. Dhe dua të falënderoj qytetarët e Durrësit, Golemit, Kavajës, Thumanës e cilido qytet tjetër të prekur nga tërmeti, që kanë bërë aq shumë për të ndihmuar të afërmit e fqinjët, për të mbështetur forcat e emergjencës, duke shpëtuar jetë.

Goditja kryesore e tërmetit u shënua në orën 3:55 minuta dhe ishte e magnitudës 6,3, me thellësi 10 km dhe me epiqendër në Durrës.

Një tjetër goditje kryesore e shkallës 5.5 Rihter dhe epiqendër në Kepin e Rodonit, u shënua pas goditjes së parë, ndërkohë që prej atij momenti janë shënuar mbi 100 goditje dytësore dhe situata mbetet ende aktive.

Durrësi dhe Thumana janë dy lokalitetet e goditura më rëndë. Me dëme të mëdha materiale e tragjikisht edhe me 7 jetë të humbura, siç konfirmohet deri në këto momente sipas informacioneve paraprake. Në të gjitha këto zona, në të gjitha godinat e shembura vazhdon puna e kërkim – shpëtimit, por siç keni mundur ta ndiqni edhe përmes mediave, janë operacione tejet të vështira, ku duhet punuar ngadalë pasi ekziston një rrezik shumë i madh që godinat të pësojnë shembje ose rrëshqitje të mëtejshme, duke rrezikuar jo vetëm banorët që mund të jenë të bllokuar, por edhe forcat e shpëtimit.

E gjithë qeveria dhe e gjithë struktura drejtuese e Emergjencave Civile është në terren. Bashkë me Kryeministrin kemi qenë në zonat e prekura që në momentet e para, bashkë me FA, Policinë e Shtetit, forca të përforcuara zjarrfikëse dhe ambulanca, të cilat janë të pranishme dhe duke punuar në zonat e goditura më rëndë. Forcat zjarrfikëse dhe ekipet e shërbimit shëndetësor, nga të gjithë qarqet, janë nisur drejt Durrësit, ku situata është më e rëndë.

Janë 400 efektivë të FA aktualisht në terren, por e gjithë FA ka kaluar tashmë në gjendje gatishmërie të plotë.

Janë mbi 1000 efektivë të Policisë së Shtetit në gatishmëri dhe disa qindra personel mjekësor, por është një situatë e rëndë, qoftë për shkak të numrit të madh të godinave të dëmtuara, qoftë për shkak të shtrirjes së tyre gjeografike. Është një situatë dhe një ngjarje e përmasave të atilla që çdo vend do ta kishte të vështirë për ta përballuar i vetëm.

Lajmi i mirë, është që nuk jemi vetëm. Të gjithë aleatët kanë ofruar ndihma urgjente. Ndërkohë që grupet tona vazhdojnë punën janë duke mbërritur grupe të specializuara kërkim – shpëtimi nga Italia dhe grupe ekspertësh janë vënë në lëvizje tani që flasim edhe nga Turqia. Vëllezërit tanë në Kosovë janë duke dërguar po ashtu ekipe të specializuara të FSK për të ndihmuar dhe të gjithë aleatët kanë ofruar ndihmë bashkë me BE, i gatshëm për të angazhuar mekanizmin e Mbrojtjes Civile.

E thashë më lart, që qytetarët kanë dhënë një ndihmë të jashtëzakonshme me solidaritetin e tyre. Ata janë heronjtë e vërtetë të kësaj dite, por ndihma më e madhe që ju kërkoj të na japin tani, është që të kufizojnë në maksimum lëvizjet me automjete, për t’ju dhënë mundësi qarkullimi mjeteve të emergjencës. Në orët e para pas tërmetit kryesor, forcat e emergjencës kanë hasur në vështirësi serioze për të arritur në lokalitetet e dëmtuara më rëndë, për shkak të bllokimit të rrugëve.

Dua t’ju bëj thirrje me forcë, të gjithë qytetarëve, shtëpitë e të cilëve janë dëmtuar, që të evitojnë qëndrimin në këto ambiente. Është shumë e rëndësishme që dëmtimet të verifikohen, që të ketë një prognozë të saktë nga ekspertët të sigurisë së tyre.

Ju bëj thirrje qytetarëve, po ashtu, që të ruajnë qetësinë dhe gjakftohtësinë. Edhe sot, për fat të keq, ka pasur shumë dëmtime që janë shkaktuar nga paniku. Kjo është një situatë ku ka nevojë për qetësi, solidaritet dhe gjakftohtësi.

Mësimi sot në të gjitha shkollat, universitetet, kopshtet e çerdhet është pezulluar dhe do të vazhdojë i pezulluar edhe nesër. Është një mundësi që familjet të mblidhen së bashku për të siguruar sidomos më të vegjlit që e kanë vuajtur më shumë situatën e frikës e traumës. Por është edhe një mundësi që studentët nga qytetet e tjera të Shqipërisë që studiojnë në Tiranë e Durrës, të mund të kthehen pranë familjeve të tyre sepse e kuptojmë fare mirë ankthin e frikën që ka ndjerë sot çdo familje që ka të afërm veçanërisht në Durrës, Lezhë apo Tiranë.

Për një pasqyrë paraprake të situatës, që dua ta theksoj është duke u përditësuar minutë pas minute:

Rezultojnë deri tani 135 të lënduar dhe 12 shtrime të konfirmuara në spitalin e Durrësit. 60 të shtruar në QSUT, por rastet janë duke u shtuar.

Janë konfirmuar 7 jetë të humbura. 3 në Durrës, 2 në Thumanë, një në Lezhë dhe një rast në Kurbin.

Fatkeqësisht, operacionet e kërkim shpëtimit vazhdojnë dhe janë ende një numër qytetarësh që mendohet se ndodhen nën rrënojat e disa godinave të shembura në Durrës. Lutja jonë është që ata të gjenden shëndoshë e mirë dhe ju gjendemi pranë me mendje e me zemër familjarëve të tyre. Do të bëjmë çdo gjë që është e mundur për t’i shpëtuar.

Është e parakohshme dhe është e pamundur që t’ju jap qoftë edhe një shifër paraprake të godinave të dëmtuara, sepse jemi ende duke mbledhur raportime nga çdo qark dhe do t’ju mbajmë të informuar ore pas ore gjate gjithë ditës.

Kurajo, gjithë shteti është në këmbë dhe do të bëjmë gjithçka për ta përballuar sëbashku këtë situatë kaq të veshtirë

Drejtori i Traumës Arben Zenelaj është shprehur se deri në këto momente në spitalin e Traumës janë paraqitur 180 persona për shkak të dëmeve nga tërmeti.

Ai tha se vijojnë të jenë në gjendje të rëndë 3 persona, një prej të cilëve i është nënshtruar një ndërhyrjeje kirurgjikale. Zenelaj tha se një prej tyre është nga Durrësi dhe dy nga rrethinat e Tiranës.

“Janë të shtruar 15, 20 prej tyre në ekzaminime, 3 në gjendje të rëndë. Pjesa tjetër janë me dëmtime më të lehta. Numri i pacientëve që janë paraqitur në spital është 180.

Në momentin që vijnë në spital të bashkëpunojnë me personelin mjekësor. Të gjitha spitalet janë në gjendje gatishmërie.

1 pacient është operuar. Një prej tyre nga Durrësi, dy të tjerët nga zonat e Tiranës”, tha Zenelaj.

Ndërkohë Ministria e Shëndetësë njofton se në spitalin e Durrësit kanë marrë trajtim mjekësor 150 persona ndërsa në QSUT 60 të tjerë.

Njoftimi i plote

Ekipet mjekësore janë në gatishmëri të plotë në spitale për t’i dhënë ndihmën e parë çdo qytetari në nevojë, si pasojë e tërmetit të fortë që goditi vendin.
Janë paraqitur për trajtimin e duhur mjekësor 180 të lënduar në spitalin universitar të Traumës, prej të cilëve 15 janë shtruar në spital, prej tyre 3 janë në gjendje më të rënduar.

Në Spitalin e Durrësit 150 të lënduar kanë marrë trajtim mjekësor, ndërsa vijojnë të mbërrijnë qytetarë që kanë nevojë për ndihmë.

60 të lënduar janë trajtuar në QSUT

Qendra e koordinimit të Urgjencës ka pritur 392 thirrje dhe janë realizuar 91 misione në spitale.

Ministrja Manastirliu po ndjek nga afër situatën bashkë me ekipin e shëndetësisë që po japin ndihmën e nevojshme shëndetësore çdo qytetari në nevojë!

Fatkeqësisht ai u nda nga jeta si pasojë e tërmetit të fuqishëm që tronditi Shqipërinë në orët e para të mëngjesit të sotëm. Kristiani ishte banorë i Thumanës, zonës që u godit më shumë nga tërmeti, me tre pallate totalisht të shembur, nën rrënojat e të cilëve u gjetën viktima, ashtu sikundër pati edhe lajme të mira për të shpëtuar brenda atyre rrënoja. Por Kristiani nuk pati atë fat. Lajmin për ndarjen e tij nga jeta e ka dhënë avokati i tij. “Sot humbi jetën nga tërmeti Kristian Preçi banor i Thumanës, klienti im që fitoi pafajësinë pas 5 muajsh burgim të padrejtë. Ngushëllim familjarëve, qoftë i parajsës. Kristiani ishte një djalë i mrekullueshëm. Iku shpejt”, shkruan avokati.

Fatkeqësisht nga rrënojat eshte nxjerrë i pajetë edhe trupi i një personi, ende të pa identifikuar.  Kështu numri i viktimave vetëm në Thumanë shkon në 3.

Forcat e shpetimit po punojne me 4 fronte ndërhyrje.

Qendra Vullnetare e Emergjencave Civile ka bërë apel të gjithë vullnetarëve, mjekëve dhe infermierëve, që të angazhohen menjëherë për të nisur një operacion shpëtimi për njerëzit që janë të lënduar nga tërmeti i rënë mëngjesin e sotëm.

“Situatë emergjente! Të dashur vullnetarë, situata është katastrofike në Thumanë dhe Durrës. Ndaj kërkohet angazhimi i menjëhershëm i mjekëve dhe infermierëve të qendrës tonë për të nisur një operacion shpëtimi për njerëzit, që janë lënduar.

Sa më shpejt të veprojmë sot për të shpëtuar jetë njerëzish. Numri i kontaktit 069 74 40 332.

Sot ndihma juaj është më shumë se e çmuar për ta përballuar këtë fatkeqësi të madhe që ka prekur vendin tonë. Sot është dita, që duhet të tregojmë solidaritetin tonë për të mos shënuar më shumë viktima se deri më tani.”-shkruan Qendra Vullnetare e Emergjencave Civile.

Qyteti i Durrësit dhe i Thumanës janë dy zonat më të prekura nga tërmeti tragjik që ra orët e para të mëngjesit të sotëm. Në Thumanë janë shembur totalisht 3 pallate. Report Tv sjell pamjet e asaj çfarë ka mbetur nga pallatet e shembura. Ashtu siç shihet në foto në katin e fundit të njërit prej pallateve ka mbetur lartë vetëm dera që duke i ka rezistuar lëkundjeve.

Rreth 1,900 forca policie janë të angazhuara në terren, për t’ju ardhur në ndihmë banorëve të prekur nga tërmeti.  Deri në këto momente u është dhënë ndihmē mbi 260 qytetarëve.

“Për çdo ndihmë telefononi në numrin falas 112!”, apelon policia

Shpëtohen nga rrënojat e ndërtesave të shëmbura,rreth 22 persona në qytetin e Durrësit, të cilët u dërguan në spital për ndihmë mjeksore. Ndërkohë operacionet e shpëtimit po vijojnë kërkimin e personave të tjerë që mund të gjenden nën rrënoja në ndërtesat e shembura. Pas kërkimeve, u nxorr gjallë nga rrënojat e një pallati pranë kryqit të Kuq në lagjen numër 18, një grua e moshuar.

Balluku bën me dije se në këtë zonë janë disa banesa të shembura. Ministrja ka bërë thirrje të gjithë qytetarëve të Durrësit që të mos përdorin makinat e tyre, pasi kanë bllokuar rrugën e ambulancave dhe mjeteve të shpëtimit.

” Familja Lala nga Dibra janë nën rrënoja. Në zonën e kënetës në Durrës. Ka patur edhe lajmërime për viktima. Por dua të bëj thirrje. Qyteti i Durrësit është i bllokuar dhe po bllokohen edhe ambulancat. Është e rëndësishme që të gjithë qytetarët e Durrësit të mos përdorin makinat pasi janë bllokuar të gjitha akset e  qytetit. Vështirësi në hyrjen e ambulancave dhe makinave të rënda për të punuar. Është hapur pallati i Sportit për të gjithë personat në nevojë. Zjarrfikëset janë në teren. Në zonën e kënetës ka disa ndërtesa, por tashmë është vetëm familja Lala me 9 anëtarë nën rrënoja. Supozojmë që janë 9 anëtar nën rrënoja pasi është familje me 9 anëtarë.” tha Balluku.

” Aeroporti është funksional. Nuk ka patur dëme. Thjeshtë dëme të vogla. Fluturimet janë normale.” është shprehur më pas ministrja.

“Ata që kalojnë në Tiranë Durrës, Në mbikalimin e Shkozetit është bllokuar nga ARRSH. Po shikohen të gjitha Urat në vend për të shmangur tragjedi. Duhet të ekzaminojmë, ura e mbikalime. Të dukshme dëme nuk ka por duhen kontrolluar. Dëmet më të mëdha janë në Durrës, Thumanë. Kemi reaguar që në momentin e parë dhe shpresojmë të shpëtojmë sa më shumë jetë.” ka përfunduar Balluku.

Një person sapo është gjetur i gjallë nën rrënoja në një nga pallatet që u shembura në Thumanë. Ky persona ka kërkuar fillimisht ndihmë nga telefoni.

Ndërkohë që dyshohet se nën rrënoja janë edhe dy persona të tjerë. Ata u janë përgjigjur forcave të evakuimit. Kështu eskavatorët janë fikur në mënyrë që të mos krijohen dëme tek personat nën rrënoja.  Të gjitha tullat do të hiqen me dorë një nga një.

Ndërkohë gazetari i Report Tv bën me dije se pas lëkundjet e tërmetit janë të herëpashershme.

Nxirren dy trupa të pajetë tek vila Palma në Durrës. Shkon në 7 numri i viktimave.

Muri i kullës së lartë është çarë, si dhe kanë rënë disa gurë. Kalaja e Prezës është ndërtuar mbi një shkëmb por lëkundja ka qenë aq e fortë sa kjo kala edhe pse u ka rezistuar viteve, është dëmtuar rëndë.

Manastirliu është shprehur se të gjitha forcat e ndërhyrjeve emergjente po koordinohen për tu ardhur në ndihmë të gjithë personave të prekura.

“Me shume se 190 thirrje vijnë nga Durrësi 98 misione me ambulanca që janë bërë. Tek Trauma janë 130. 12 shtrime të konfirmuara. Kanë realizuar trajtimet. Në Durrës janë 130 qytetarë. Do të jenë edhe në Durrës. Kanë ardhur edhe 5 të lënduar t tjerë. Në QSUT janë më shumë se 60 raste. Spitalet në Tiranë në Durrës dhe Lezhë janë të përforcuar me staf mjekësor. Po kështu edhe në terren kemi ekipe të emergjencës. Jemi duke trajtuar të gjitha rastet. Situatat është në kontroll deri tani. Janë raste të vështira dhe po ndiqen do të kemi informacione të mëtejshme. Po koordinohemi. Do të shkojmë në Durrës dhe në Thumanë. “ tha Manastirliu.

Të tjerë banorë janë nxjerrë të gjallë, siç dëshmohet edhe në këtë foto. Një grua e gjakosur, e lënduar, e përlotur dhe e traumatizuar nga tërmeti, teksa të tjerë i qëndrojnë afër për ta qetësuar. Ndërkohë vijojnë kërkimet nën rrënoja për të gjetur të tjerë persona.

Edhe në Tiranë, tërmeti ka shkaktuar dëme të shumta materiale. Një pallat pranë Drejtorisë së Policisë ka pësuar dëme të mëdha. Një pjesë anësore e katiti të dytë është shembur dhe ka rënë në trotuar. Pallati gjendet në rrugën Sami Frashëri shumë pranë Drejtorisë së Policisë. Edhe tek pallatet afër Kthesës së Kamzës është shembur një ballkon. Nga të dy vend ngjarjet fatmirësisht nuk ka persona të dëmtuar.

“Vendi ynë u godit nga një valë tërmetesh si asnjëherë më parë në errësirën e orëve të para të ditës së sotme! E rëndësishme të punohet me përkushtim e profesionalizëm për të shpëtuar çdo jetë njerëzore që ndodhet nën rrënojat e ndërtesave dhe të ndihmohen të plagosurit. E rëndësishme të evidentohen banorët që s’mund të kthehen në shtëpitë e tyre dhe që kanë nevojë për strehim. Qeveria t’u kërkojë institucioneve ndërkombëtare ndihmë. Besoj se të gjithë qytetarët tanë do dinë ta përballojnë këtë fatkeqësi me solidaritet, kurajo dhe duke i’u gjendur pranë me çdo mënyrë vëllezërve dhe motrave tona më të dëmtuar.”-është shprehur Meta.

Po ashtu, edhe kreu i PD-së, Lulzim Basha, ndodhet në Thumanë, tek pallati që është shembur nga lëkundjet e fortë.

Basha me banorët në Thumanë

Basha është takuar ma banorët që janë dëmtuar më rëndë nga tërmeti. Situatën nga afër e pa edhe zv.kryeministri Erion Braçe, i cili mësohet se do të qëndrojë në këtë zonë për të koordinuar operacionin e kërkim-shpëtimit.

Në Thumanë ndodhet edhe Ministri i Brendshëm, Sandër Lleshaj si dhe ministrja e Mbrojtjes, Olta Xhaçka, e cila ka informuar Presidentin Meta për situatën.

“Goditja e fuqishme e tërmetit ka krijuar pasoja të rënda dhe fatkeqësisht kemi jetë të humbura. Të gjitha strukturat e shtetit janë në këmbë qysh në momentet e para pas goditjes. Punohet intensivisht për të shpëtuar çdo jetë të mundshme në disa pika fatale në Durrës e Thumanë

Eshtë një moment dramatik ku sidoqoftë duhet të ruajmë me çdo kusht qetësinë, të qëndrojmë pranë njëri-tjetrit e ta përballojmë këtë goditje SE BASHKU”, shkruan Rama.

Në video duket momenti kur lëkundjet kanë bërë që ata të vrapojnë nga vendi ku po kërkonin.

Dy vëllezërit kanë kërkuar fillimisht ndihmë me anë të celularit. Ndërkohë që më vonë i tyre nga Kosova ka arritur të komunikojë me ta me anë të mesazheve duke konfirmuar se ka ende shpresë që të nxirren gjallë nga rrënoja.

Kërkimet e policisë kanë vijuar me qenin nuhatës ndërkohë që misioni i shpëtimit duket mjaft i vështirë.

Nga shembja e Hotel Tropikal janë dëmtuar edhe 7 persona të tjerë të cilët janë dërguar në spital, një prej të cilëve në Spitalin e Traumës në Tiranë. Ata kanë qenë në katet e sipërm të hotelit.

Makinat e parkuara jashtë hotelit

Nxjerrja e trupit te pajete te gjyshes ne Thumane

Nxjerrja gjalle nga rrenojat e nje personi

Shënohet viktima e dytë në Thumanë, duke e çuar në pesë numrin e të vdekurve si pasojë e tërmetit.

Nga tërmeti i fuqishëm është dëmtuar edhe Kalaja 3000 vjeçare e qytetit të Durrësit.

“Duket që ka lëndime të jashtëzakonshme. Shpresoj të mos ketë viktima. Ka të plagosur në gjendje të rëndë. Duhet të verifikohen banesat nëse qytetarët kanë nevojë për ndihmë. Kërkohen raportime më të shpejta nga i gjithë vendi. Falënderoj personelin mjekësor që po bën gjithçka për të shërbyer. E gjithë Shqipëria është tronditur rëndë. Duket se edhe është përgjakur por shpresojë të mos ketë viktima të tjera. E kam paralajmëruar prej kohësh rrezikun e goditjes së Shqipërisë nga tërmetet. Të sqarojmë nëse ka apo jo njerëz për ndihmë’, u shpreh Meta.

Në një kohë që të gjitha grupet e emergjencës janë në terren, Bashkia e Tiranës ka hapur disa palestrave të shkollave për strehim provizor për të gjithë qytetarët. Kryebashkiaku Veliaj njofton se sot pezullohet mësimi në të gjithë shkollat, kopshtet dhe çerdhet, ndërsa do të bëhet edhe verifikimi I këtyre objekteve.

“Sot pezullohet mesimi ne gjithe shkollat, kopshtet e çerdhet e Tiranes! Na duhet te verifikojme çdo objekt e te mos rrezikojme femijet! Faleminderit per mirekuptimin ne nje situate aspak te lehte!  *Disa palestra do te rrine hapur per strehim provizor”, shkruan Veliaj.

“Pezullohet mesimi në gjithë territorin e vendit për sot, datë 26 nëntor 2019. Për ditët në vijim ju njoftojmë në fund të ditës”, thuhet në një njoftim të Ministrisë së Arsimit.

Po ashtu, edhe Gjykata e Tiranës ka pezulluar të gjitha seancat.

Ministrja Manasterliu tha se ekipet mjekësore në gatishmëri.150 persona po marrin trajtim në spital deri më tani, në Tiranë dhe në Durrës dhe Krujë.

Ministrja e Shendetesise dhe Mbrojtjes Sociale Ogerta Manastirliu nga Spitalii Universitar i Traumës tha se po marrin shërbim 75 qytetarë, kryesisht me fraktura në gjymtyrë si pasojë e tërmetit të fortë që tronditi vendin.

Nē të gjithë vendin, në Tiranë, Durrës dhe Krujë, sipas të dhënave paraprake 150 qytetarë po marrin shërbim në spitale.

Ekipet mjekësore aktualisht është në gjendje gatishmërie të plotë si në Tiranë, Durrës dhe gjithë Shqipërinë.

Në Thumanë për fat të keq dyshohet të ketë përsona nënë rrënoja, pasi janë shembur tre pallate. Fëmijë, të moshuar, gra e vajza, janë zënë nënë rrënoja teksa kanë qenë në gjumë dhe nuk e kanë ndjerë tërmetin e rënë në orën 03:55 të mëngjesit të së martës.

Në Durrës ka shkuar më herët edhe ministrja e Mbrojtjes Olta Xhaçka dhe kryeministri Edi Rama, ndërsa kryeministri Erjon Braçe është nisur drejt Thumanës.

Veliaj kërkon prej qytetarëve që të zbatojnë me kujdes udhëzimet në rast tërmeti. “Tërmeti i fortë pranë Adriatikut preku gjithë Tiranën. Ekipet e emergjencës janë në terren! Telefononi 112 per çdo nevojë emergjente. Zbatoni pa panik udhezimet ne rast termeti! Mbani afer femijet e te moshuarit!” thekson Veliaj.

Ata kanë qenë në gjumë dhe nuk kanë mundur të ngrihen në kohë për t’i shpëtuar tërmetit duke u zënë nën rrënoja. Situata më problematike paraqitet pikërisht në këto tre pallate në zonën e Thumanës.

Situata më e rëndë nga tërmeti, veç qytetit të Durrësit, paraqitet në Thumanë të Fushë-Krujës. Nga raportimet e para, të cilat duhet theksuar se janë ende kontradiktore dhe jo të konfirmuara nga organet zyrtare, raportohet të jenë shembur 3 pallate. Dyshimet janë që nën rrënojë të ketë edhe persona të lënduar, ndërsa flitet edhe për viktima, por ende jo zyrtare. Forcat zjarrfikëse dhe policia janë në vendngjarje për të bërë të mundur shpëtimin e personave që mund të jenë nën rrënoja.

Foto nga Durrësi

Foto nga dëmet në qytetin e Lushnjes

Një i ri raportohet të ketë rënë nga kati i tretë në zonën e ish-bllokut. I riu është marrë me ambulancë dhe është shoqëruar për në spital ndërsa ende nuk ak të dhënë për gjendjen e tij shëndetësore.

Ministrja e Mbrojtjes Olta Xhacka do të niset drejt Durrësit pas lekundjeve të njëpasnjeshme të orës së fundit.

Sipas të dhënave paraprake lëkundja e orës 3.50 ishte me magnitude 6.4 e shkallës rihter.

“Ministrja Xhacka dhe Agjencia e Mbrojtjes Civile jane ne kontakt te vazhdueshem me prefekturat, vecanerisht me ate te Durresit per situaten”, thuhet në një njoftim nga zyra e shtypit të ministrisë.

Shqiptarja.com sjell disa nga këto momente ku njerëzit kanë dalë në rrugë, e disa të tjerë janë larguar me makina nga qyteti në drejtim të zonave me banesa përdhese.

Bëhet fjalë për banesën e Fran Ndrecë Pirolit. Ndërkohë, tërmeti ka dëmtuar edhe nënstacionin elektrik që ndodhet në fshatin Zallë të Fushë-Krujës, i cili furnizon me energji gjysmën e rrethit.

Në Thumane rapotohet për tre pallate që kanë pësuar dëmtime të mëdha.