Ansi Agolli e ka nisur me këmbë të mbarë aventurën te New York Cosmos. Skuadra ku aktivizohet ish-kapiteni i kombëtares shqiptare fitoi me rezultatin e ngushtë, 2-1 miqësoren e luksit ndaj St.Pauli.
Agolli u aktivizua si titullar në krahun e majtë të mbrojtjes, duke dhuruar një paraqitje dinjitoze. 36 vjeçari u transferua te Cosmos në merkaton e janarit. Ai erdhi nga Qarabak si futbollist i lirë. 
