NË BOOKFEST 2025 – NJU JORK
ME ZËRIN E POEZISË SË ATDHEUT
Më 29–30 Nëntor 2025, në metropolin e gjallë të Nju Jorkut, u zhvillua Panairi i Librit “Bookfest 2025”, një ngjarje e madhe kulturore e diasporës shqiptare, organizuar me përkushtim e dinjitet nga Federata Panshqiptare “Vatra” SHBA.
Ishte për mua nder i lartë, krenari dhe privilegj që të jem pjesë e këtij eventi si poet dhe autor i shtatë vëllimeve poetike kushtuar atdheut ― një zë i vogël në oqeanin e madh të kulturës sonë kombëtare, por me zemër të përkushtuar ndaj fjalës shqipe.
Gjatë këtyre dy ditëve pata nderin të takohem me:
lexues të apasionuar,
intelektualë e krijues të diasporës,
veprimtarë të çështjes kombëtare,
miq të librit e të kulturës shqiptare.
Çdo takim, çdo fjalë dhe çdo përqafim më dha më shumë fuqi, mirënjohje dhe frymëzim për të vazhduar rrugën time letrare dhe misionin për të mbrojtur e lartësuar vlerat tona kombëtare.
Ky panair nuk ishte thjesht një prezantim librash
ishte festë e letêrsisë sonē kombëtare ,dritë, bashkim,
ishte zëri i Shqipërisë në Amerikë,
ishte shpirti ynë i përbashkët që rrah për Atdheun.
Ky panair ishte shumë i suksesshëm, një ngjarje që arriti pritjet dhe u shndërrua në një festë të vërtetë të librit dhe kulturës shqiptare. Organizimi i përkryer, vizitat e shumta, interesimi i lexuesve dhe atmosfera plot energji e respekt e bënë këtë edicion një prej ngjarjeve më të veçanta të komunitetit tonë në diasporë.
Suksesi i panairit tregoi edhe një herë se fjala shqipe ka forcë, se libri i bashkon shqiptarët kudo që janë dhe se kultura jonë ruhet e rritet me dashuri, përkushtim dhe unitet,
Falënderim të përzemërt për:
Federatën Panshqiptare “Vatra”,
organizatorët, bashkatdhetarët dhe çdo pjesëmarrës
që e bëri këtë aktivitet një kujtim të paharrueshëm.Por një falënderim i thellë për të gjithë sponzorët që mbështetën akomodimin tim pêr shtatë ditë me radhē të pjesëmarrjes dhe qëndrimit tim në Shba në kuadër të aktiviteteve promovuese letrare .
Me respekt, mirënjohje dhe dashuri për Atdheun,
Ilmi Tahiri Poet i Atdheut
