Një moment prekës vjen nga Iran, ku një mësues, sapo hyri në klasë në një gjimnaz të Teheranit, zbuloi se nxënësit e tij kishin organizuar një ceremoni përkujtimore për djalin e tij, i cili u vra gjatë protestave anti-qeveritare të 8 janarit.
Mësuesi mbeti në heshtje, i pushtuar nga emocionet, ndërsa në dërrasën e zezë shfaqeshin fotografitë e të birit. Videoja e këtij momenti u bë virale në rrjetet sociale, duke prekur mijëra njerëz.
Përkujtimi pas 40 ditësh
Ceremonia u mbajt 40 ditë pas vdekjes tragjike të të riut, një traditë fetare shumë e rëndësishme në Republikën Islamike të Iranit. Kjo ditë përkujtimore, e njohur si “chehelom”, ka një domethënie të veçantë për familjarët dhe komunitetin.
Kush ishte Sadra Soltani
Viktima, Sadra Soltani, do të kishte mbushur 24 vjeç më 6 shkurt. Ai ishte student i arkitekturës dhe humbi jetën mes 8 dhe 9 janarit, gjatë dy ditëve protestash të ashpra kundër qeverisë.
Sipas organizatave joqeveritare, gjatë atyre ditëve u vranë mbi 35 mijë protestues, mes tyre dhjetëra studentë dhe të rinj. Ndërsa autoritetet iraniane deklarojnë se numri i viktimave është rreth 3.000.
Gesti i nxënësve, i thjeshtë por plot domethënie, tregoi solidaritet dhe respekt për mësuesin e tyre, duke e kthyer klasën në një vend kujtese dhe dhimbjeje të përbashkët.
