Kryetari i Komisionit të Transportit, Infrastrukturës në Forumin Ekonomik të CDU (Partia Kristian-Demokrate) e kryeministres gjermane Merkel, Martin Henze, ka folur për herë të parë për situatën politike në Shqipëri pas zgjedhjeve të 30 qershorit.

Në opinionin e tij, politikani gjerman ka qenë shumë i ashpër me qeverinë Rama duke e quajtur si një qeveri të kriminalizuar dhe aq më keq për një narkoshtet.

“Situata është shumë e komplikuar në Shqipëri nga faktorë të ndryshëm. CDU dhe një grup i deputetëve të saj, kanë këshilluar që zgjedhjet e 30 qershorit të shtyheshin. Duke patur një situatë ku egziston një dekret presidencial dhe kushtetues zgjedhjet u shtynë për disa muaj më vonë dhe në momentin kur qeveria aktuale ka arritur të neutralizojë Gjykatën Kushtetuese dhe atë të lartë, rrjedhimisht dekreti është i detyrueshëm për tu zbatuar nga organet kompetente.

Për mendimin tim zgjedhjet e 30 qershorit janë ilegjitime pasi ekziston dekreti presidencial që është organi më i lartë kushtetues dhe organet e tjera në momentin kur nuk funksionon Gjykata Kushtetuese që të vlerësojë këtë dekret, atëherë rrjedhimisht ngelet për tu zbatuar. Më lejoni të them dicka. Duke parë vlerësimet paraprake të OSBE-ODIHR, është parë shumë qartë se nuk mund të flitet për një palë zgjedhje demokratike dhe të lira.

Mungesa e Gjykatës Kushtetuese dhe Gjykatës së Lartë, mund të thuhet se në Shqipëri mungon shteti i së drejtës dhe kur mungon shteti i së drejtës, nuk ka demokraci dhe për pasojë nuk ka as zgjedhje demokratike. Dekreti i presidentit për 13 tetorin si datën e re të zgjedhjeve vendore, është vetëm ai që mund të quhet legjitim, nëse do të ndryshohet edhe kjo datë tjetër, unë këtë nuk e di”, shprehet Henze.

Pyetje: I jepni të drejtë kreut të opozitës Lulzim Basha se me Ramën kryeministër dhe me qeverinë që ai drejton opozita nuk hyn në zgjedhje?

Për mendimin tim Shqipëria nuk mund të organizojë dot zgjedhje demokratike pasi nuk egziston shteti i së drejtës dhe nuk ka as parlament demokratik. Përgjegjës për këtë është qeveria Rama. Në 2017 u mbajtën zgjedhjet parlamentare.

Gazetat në qershor treguan disa fakte për manipulimet dhe kjo u shfaq nëpër media ndërkombëtare pasi kishte manipulime të mëdha. Ka pasur përgjime të përfaqësuesve të PS të niveleve të larta të lidhur me përfaqësues të lidhur me mafien dhe kjo sipas BILD. Kjo duhet të qartësohet nga ana ligjore nëse është e vërtetë apo jo. Nëse konfirmohet, me njerëz të tillë nuk shkohet në zgjedhje.

Një problem tjetër është se ka pasur punonjës policorë që e kanë kundërshtuar dhe kanë kërkuar azil jashtë shtetit duke e fituar atë. Kjo është shenjë që shteti i së drejtës nuk funksionon pasi sipas lajmeve të mediave ndërkombëtare, është prodhuar masivisht drogë.

Sipas protokolleve të Departamentit Amerikan të Shtetit, Shqipëria është korridor i kokainës dhe heroninës drejt Europës. Kjo flet për narkoshtet dhe një narkoshtet, nuk mund të organizojë zgjedhje demokratike. Megjithatë duhet sqaruar kjo gjë. Korrigjim politik ndërmerret përmes zgjedhjeve.

Pyetje: A do t’i njohë Europa dhe Gjermania zgjedhjet e 30 qershorit ?

Kriteret i përmenda më lartë. Lind pyetja, si ishin zgjedhjet e 30 qershorit ? Sipas raportit provizor të OSBE, ato nuk ishin zgjedhje që garantonin lirinë, demokracinë dhe fshehtësinë e votuesve. Një shtet i së drejtës, nuk funksionon për momentin.

Nuk mund të ketë zgjedhje demokratike. Përgjigjen e gjeni edhe tek ambasadorja franceze në Tiranë ku u përgjigj në mënyrë diplomatike dhe ironizuese. Personalisht them që zgjedhjet e 30 qershorit, nuk ishin legale.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

*