Ford Motor Company ka pezulluar T.J. Sabula, punonjësin që kundërshtoi Donald Trumpin gjatë vizitës së tij të martën në një fabrikë në Dearborn. Sabula e kishte akuzuar ish-presidentin duke e quajtur “mbrojtës të pedofilëve”.
Sipas raportimeve, Trump i ishte përgjigjur punonjësit duke i treguar gishtin e mesit. Pas incidentit, Ford vendosi ta pezullojë Sabulën, duke shkaktuar reagime të forta në rrjetet sociale.
Në shenjë solidariteti, janë hapur dy faqe në GoFundMe në mbështetje të punonjësit të pezulluar. Deri tani, përmes këtyre fushatave janë mbledhur pothuajse 800 mijë dollarë, një shumë që pasqyron mbështetjen e gjerë publike për Sabulën pas ngjarjes.
