Vlorë

Policia parandalon një ngjarje të mundshme kriminale duke arrestuar në flagrancë një person me armë zjarri.

Sekuestrohet në cilësinë e provës materiale një armë zjarri pistoletë me fishekë në gojë.

Seksioni për Hetimin e Krimeve në bashkëpunim me Patrullën e Përgjithshme të Komisariatit të Policisë Vlorë gjatë patrullimit në orët e mbrëmjes së djeshme në qytetin e Vlorës, kanë konstatuar një person të dyshimtë i cili porsa ka parë Policinë ka tentuar të largohet me vrap.

Shërbimet e Policisë janë vënë në ndjekje ku kanë bërë të mundur kapjen e tij.

Gjatë kontrollit personal që iu bë këtij shtetasi, Policia i gjeti një armë zjarri pistoletë së bashku 8 fishekë të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme

Leave a Reply

Your email address will not be published. Required fields are marked *

*