Përgatiti Agron Brataj
Trump: Humbja në Gjykatën Supreme për tarifat do të ishte një katastrofë ekonomike
Presidenti amerikan Donald Trump ka deklaruar se, nëse administrata e tij do të humbiste apelimin në Gjykatën Supreme lidhur me tarifat doganore, kjo do të përbënte një katastrofë ekonomike për Shtetet e Bashkuara.
Në një intervistë për emisionin radiofonik të Scott Jennings, Trump theksoi se SHBA-të do të trajtoheshin padrejtësisht dhe do të përqeshen nga vendet e tjera, nëse nuk arrijnë të ruajnë tarifat ekzistuese.
“Do të ishte një goditje e madhe për ekonominë amerikane. Do të ishim të pambrojtur ndaj abuzimeve tregtare dhe konkurrencës së pandershme,” tha Trump gjatë intervistës.
Ai argumentoi se tarifat janë një mjet i rëndësishëm për të mbrojtur interesat ekonomike të vendit dhe për të garantuar një terren të barabartë në tregtinë ndërkombëtare.
Ky koment vjen në një moment kritik, ndërsa Gjykata Supreme pritet të vendosë mbi ligjshmërinë e tarifave të vendosura gjatë administratës Trump ndaj disa vendeve të huaja. Vendimi pritet të ketë ndikim të madh në politikën tregtare të SHBA-së në vitet në vijim.
