“Fundi i ndeshjes”. Është ky titulli kryesor I numrit të së premtes në prestigjozen franceze “L’Equipe” për të treguar se si janë shuar përfundimisht të gjitha shpresat për të kthyer vendimin e qeverisë dhe federatës në vend që mbylli përfundimisht sezonin e futbollit.
Pavarësisht se disa padi janë dorëzuar në gjykatë nga disa klube, tifozët francezë duhet tëp resin shtatorin dhe sezonin tjetër për të parë skuadrat në fushën e lojës. Përveç Paris SG dhe Lyon që do të luajnë ndeshjen e Champions, të gjitha skuadrat e tjera do të qëndrojnë pushim. Përballë këtij fakti të kryer, katër klube po mendojnë një zgjidhje alternative.
Kështu, PSG, Lille, Lyon dhe St.Etienne janë duke planifikuar një turne veror që do të zhvillohet në Katar. Me ndihmën e pronarit sheik të klubit parizien, Al-Khealifi, kjo zgjidhje do t’I mundësonte skuadrave të ruanin formën sportive të futbollistëve për sezonin e ardhshëm. Ky turne pritet të zhvillohet gjatë muajit korrik, çka do të ndihmonte PSG dhe Lyon në prag të sfidave në Champions që UEFA ka parashikuar t’i luajë gjatë gushtit.
