Një zyrtar i Tatimeve nga qyteti i Pogradecit është shoqëruar në komisariat ndërsa mësohet se kjo ka ndodhur pas një denoncimi të bërë nga një vajzë emri i të cilës nuk është bërë i ditur.
Paraprakisht raportohet se pas marrjes në pyetje nga Policia dhe dëshmisë që ka bërë, zyrtari është lënë i lirë.
Janë mësuar vetëm inicialet e këtij të fundit të cilat janë A.M., ndërsa po hetohet në gjendje të lire.
Mësohet se vajza e ka bërë denoncimin me pretendimin se i ka kërkuar favore seksuale në këmbim të një vendi pune.
