Policia në Zvicër ka dyshime të forta se Rusia ka infiltruar dy spiunë pesë muaj më parë në Davos.

Sipas të përditshmes zviceriane Tages-Anzeiger, ku citohen zyrtarë policorë dhe federalë, të cilët kanë thënë se të dy burrat kanë pasur pasaporta diplomatike dhe kanë qenë në fazën fillestare të operacionit të spiunimit rus.

Ambasada ruse në Bern i ka thënë BBC-së, se gazeta është duke tentuar të “krijojë një skandal nga asgjë”, teksa po mbahet Forumi Ekomonik Botëror, në të cilin po marrin pjesë figura të larta politike dhe biznesore.

Sipas gazetës, policia është alarmuar për qëndrimin trejavor të të dy burrave në hapësirat luksoze të Davosit në gusht të vitit të kaluar.

Kur u janë afruar, një prej rusëve ka pretenduar se është hidraulik, ndonëse të dy kishin pasaporta diplomatike.

“Ka qenë kontroll i rregullt. Të dy burrat kanë pasur pasaporta diplomatike ruse mirëpo nuk kanë qenë të regjistruar zyrtarisht si diplomatë në Zvicër”, ka thënë Anita Senti, zëdhënëse për policinë e kantonit, Graubuenden.

Mirëpo zëdhënësi i ambasadës ruse, Stanislav Smirnov ka thënë se nuk kanë pranuar asnjë informacion për këtë gjë nga autoritetet zvicerane.

“Nuk ka të dhëna të spiunimit”, ka thënë mes tjerash ai.

Shërbimet zvicerane të sigurisë kanë vërejtur aktivitet të shtuar të inteligjencës ruse në shtetin e tyre gjatë viteve të fundit.

Në raportin e Shërbimit Federal të Inteligjencës zvicerane më 2018, është thënë se një në katër diplomatë rusë në Zvicër është spiun.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

*