Vazhdojnë kërkimet për arrestimin e personave të tjerë të përfshirë në pengmarrjen e Jan Prengës si dhe sigurimin e provave për këtë ngjarje të rëndë.

Mëngjesin e sotëm Policia e Shkodrës dhe forcat RENEA ushtruan kontrolle në disa zona të qytetit të Shkodrës dhe fshatra përreth

Në këtë kuadër, në qytetin e Shkodrës dhe rrethinat e saj, mëngjesin sotëm janë ushtruar kontrolle në banesa, biznese, magazina e objekte të braktisura dhe si rezultat i kontrollit janë siguruar prova të vlefshme që shërbejnë për zbardhjen dhe dokumentin e plotë të ngjarjes. Sektori për Krimet e Rënda në DVP Tiranë, në bashkëpunim me Prokurorinë  e Tiranës, vijon veprimet për sigurimin e çdo prove të vlefshme që i shërben ngjarjes, si dhe për kapjen e personave të tjerë që janë të implikuar në këtë ngjarje, informoi policia e Shtetit.

Ndërkohë burimet bëjnë me dije se po punohet për kapjen e shtetasve M.B, G.D dhe K.G.

5 te arrestuar 5 ne kerkim-  Pas prangosjes së pesë personave për rrëmbimin dhe vrasjen e 49-vjeçarit Jan Prenga, edhe 5 të tjerë janë shpallur në kërkim.

Të dyshuarit janë nga Shkodra dhe Vlora, ndërsa janë identifikuar nga përgjimet që policia ka kryer me urdhër të gjykatës së Tiranës.

Menjëherë pas rrëmbimit policia kë vënë në përgjim familjarë të Prengës, ndërsa gjatë telefonatave me persona jashtë vendit është evidentuar konflikti i vëllezërve me grupin e Shijakut.

Kjo ka vënë në lëvizje policinë duke zbarkuar në resortin e vëllezërve Hajri, ku dyshohej se mbahej pengu. Autorët e rrëmbimit dhe vrasjes së 49-vjeçarit janë evidentuar dhe nga kamerat e sigurisë së restortit “Golden”.

Hetuesit kanë dyshime se ata kanë patur rol aktiv në rrëmbimin e Prengës. Kamerat e resortit dyshohet se kanë fiksuar edhe të arrestuarin e pestë që u ndalua në Kavajë, Festim Bexhdilin i cili akuzohet për fshehjen dhe asgjësimin e trupit të Prengës.

30-vjeçari Bexhdili dhe personat e tjerë shfaqen në kamera teksa hipin viktimën e mbështjellë me qese të zezë në një furgon të bardhë, i cili është sekuestruar nga policia.

Policia deklaron se ngjarja ka ndodhur për konflikte të vëllait të viktimës në Angli, për shkak të pazareve të drogës, ndërsa ka dyshime se në rrëmbim janë përfshirë dhe dy grupe kriminale në Shkodër dhe Vlorë.

Ende nuk eshte gjeutr trupi-  15 ditë pas rrëmbimit dhe vrasjes së Prengës, policia ende nuk ka lokalizuar trupin e viktimës, ndërkohë vijojnë kërkimet për gjetjen e kufomës.

Sektori për Krimet e Rënda në policinë e Tiranës dhe bashkëpunim me prokurorinë vijon punën për dokumentimin e plotë të kësaj ngjarjeje, por që deri tani nuk janë ndihmuar nga të arrestuarit.

4 aurorët e arrestuar të martën kanë kyçur gojën para grupit hetimor, duke mos dhënë detaje për asgjësimin e trupit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

*