Nga Agron Brataj
“Për dekada të tëra, Ishulli i Sazanit ka qenë një mister i mbyllur pas dyerve të ushtrisë. Por tashmë, ajo që dikur njihej si ‘ishulli i ndaluar’ po kthehet në një atraksion të ri turistik. Zv.kryeministrja dhe njëkohësisht ministrja e Infrastrukturës dhe Energjisë, Belinda Balluku, ka konfirmuar zyrtarisht hapjen e ishullit për vizitorët, duke e cilësuar atë si një nga pikat më të kërkuara për turizmin bregdetar shqiptar.
Me histori të pasur ushtarake, natyrë të paprekur dhe struktura misterioze që rrëfejnë kohët e izolimit, Sazani tashmë është gati të mirëpresë turistët vendas dhe të huaj. Investimet për infrastrukturën bazë janë duke u finalizuar, dhe tur-operatorët kanë nisur përgatitjet për sezonin.
Nga baza sekrete në pikë panoramike – ishulli më i madh në vend premton të jetë një ndër destinacionet më ‘instagramabile’ të kësaj vere. Një hap i madh për turizmin kulturor dhe aventurier, dhe një tjetër sekret i zbuluar nga brigjet e Jonit.”
